საფრანგეთი რუსეთისთვის `მისტრალის`ტიპის სადესანტო გემის მიყიდვას დასთანხმდა. ამის შესახებ საფრანგეთის თავდაცვის სამინისტრო იტყობინება. გარდა ამისა, უწყებამ თანხობა განაცხადა კიდევ სამი გემის გაყიდვის საკითხი განიხილოს. მოლაპარაკებები ამ თემაზე გასული წლის ზაფხულიდან მიმდინარეობდა. ამ გარიგებით საფრანგეთი გახდება ნატოს წევრი პირველი ქვეყანა, რომელიც რუსეთს თანამედროვე საბრძოლო ტექნიკას მიჰყიდის. საქართველო, უკრაინა და ბალტიისპირეთის რამდენიმე ქვეყანა, ასევე ამერიკა შიშობენ, რომ `მისტრალი`რუსეთის მხრიდან პოტენციურ საფრთხეს გაზრდის. თუმცა მათი შეშფოთება არ გაიზიარა პრეზიდენტმა სარკოზიმ.
მან ამერიკის თავდაცვის მდივან რობერტ გეიტსთან შეხვედრისას განაცხადა, რომ რუსეთისთვის აღნიშნული ტექნიკის მიწოდება რეგიონს არავითარ საფრთხეს არ უქმნის. ექსპერტების შეფასებით, `მისტრალის` შეძენა მოსკოვმა საქართველოსთან ომის შემდეგ გადაწყვიტა.
საქართველოს საგარეო საქმეთა სამინისტრო მწუხარებას გამოთქვამს ჩრდილო ოსეთში ტერორისტული აქტის შედეგად ადამიანების დაღუპვის გამო და თანაგრძნობას უცხადებს მათ ოჯახებსა და ახლობლებს.
ევროკავშირის უშუალო ჩარევით, აფხაზეთის მარიონეტული რეჟიმის მიერ გათავისუფლებული მალხაზ კორძაია უკვე თბილისში, საკუთარ ოჯახში იმყოფება. კორძაია 20 თვის წინ იარაღის უკანონო შენახვისა და საოკუპაციო საზღვრის უკანონო გადაკვეთისთვის დააკავეს...