170 ქართველი ჯარისკაცი დღეს გამთენიისას ნატოს სამშვიდობო ოპერაციაში მონაწილეობისთვის ავღანეთში გაემგზავრა. სახმელეთო ძალების მეორე ქვეითი ბრიგადის 23-ე ბატალიონის სამხედროები პირველ ეტაპზე ქაბულთან ახლოს საფრანგეთის სამხედრო კონტინგენტის შემადგენლობაში იმსახურებენ. სამშვიდობო მისიის შემადგენლობა თავდაცვის მინისტრმა ბაჩო ახალაიამ გააცილა. დამატებით 700-ზე მეტი ჯარისკაცი ავღანეთში საქართველოდან ჩასვლას თებერვალში ისევ აპირებს. ეს დანაყოფი უკვე ამერიკის შეერთებული შტატების სამხედრო შემადგენლობაში იქნება.
განათლების სამინისტროს სოციალური პროგრამის ფარგლებში ბიუჯეტიდან 800-მდე სტუდენტი დაფინანსდება. ამ პროგრამისთვის სახელმწიფო ბიუჯეტიდან 1,073, 000 ლარი გამოიყო
ფინეთის საგარეო საქმეთა მინისტრის ალექსანდრ შტუბის ვიზიტი საქართველოში დღეს საგარეო საქმეთა მინისტრ გრიგოლ ვაშაძესთან შეხვედრით დაიწყო. ორი ქვეყნის მინისტრებმა ორმხრივი თანამშრომლობის საკითხები განიხილეს...
თბილისი ამერიკა-საქართველოს ორდღიანი ბიზნესსამიტს მასპინძლობს. ღონისძიება `თბილისი მარიოტში` დღეს დაიწყო. შეხვედრის მთავარი მიზანი ქვეყნებს შორის სავაჭრო და საინვესტიციო კავშირების გამყარებაა.
პოლონეთში სამი ათასამდე ქართველი არალეგალის საქმეს განიხილავენ. პოლონეთში საქართველოს ელჩის განმარტებით, ესენი საქართველოს ის მოქალაქეები არიან, რომლებიც პოლონეთში არალეგალურად მოხვდნენ და მთავრობისგან თავშესაფარს ითხოვენ.
სასტუმრო რედისონში საგარეო საქმეთა სამინისტროს მიერ ორგანიზებული სამდღიანი ამბასადორიალის პირველი დღე დასრულდა. დიპლომატებმა საგარეო საქმეთა მინისტრისგან დავალებები მიიღეს.
მაღალჩინოსნების მიერ მიტაცებული თანხების დასაბრუნებლად ყირგიზეთი საქართველოს მაგალითს იღებს. `ნეზავისიმაია გაზეტას` ცნობით, ყირგიზეთის პრეზიდენტმა როზა ოტუნბაევამ ხელი მოაწერა ბრძანებულებას იმ პირთა ამნისტიის შესახებ, რომლებმაც ეკონომიკური დანაშაული ჩაიდინეს.