რუსთავი 2” წარმოგიდგენთ ახალ საბავშვო ინტელექტუალურ თამაშს. გადაცემის ბრიტანული ფორმატი უამრავ ქვეყანაში წარმატებულად გადის ეთერში. ბავშვური ლოგიკით დაბნეული უფროსები რუსთავი 2-ის ყველაზე მხიარულ და აზარტულ შოუში სახალისო განმარტებების გამოცნობას შეეცდებიან.
როდისმე გიცდიათ აგეხსნათ ისეთი სიტყვების მნიშვნელობა, როგორიცაა: რომანტიკა, შიმშილი, ჩინეთი და ა.შ. გაოცებას ვერ დამალავთ, როდესაც ნახავთ, რა თავისუფლად ხსნიან თქვენი შვილები ხშირად უცნობ სიტყვებს. ძალიან საინტერესოა, როგორ ცდილობენ ისინი თქვენს დახმარებას.
ბავშვები უფროსებს სიტყვების გამოცნობაში ეხმარებიან. ისინი მათი გამოცდილების, ემოციის, მიმიკის და ყველა შესაძლო ხერხის გამოყენებით ცდილობენ მიგახვედრონ გამოსაცნობი სიტყვა.
ბავშვური ლოგიკით და ფანტაზიით განმარტებული მარტივი სიტყვები ხშირად უფროსებისთვის საკმაოდ რთული ამოსაცნობია.
გადაცემა მხიარული, დინამიკური და აზარტულია. თითეული  სწორად გამოცნობილი სიტყვა შესაბამისი ქულით ფასდება. თამაშის ბოლოს უმაღლესი ქულების მიხედვით ვლინდება ბავშვური ლოგიკის კვირის ექსპერტი.